Off To Nether-Netherlands!

Kanta ng Metallica na ‘Enter Sandman’ ang parating kinakanta ng utak ko habang papalanding na yun KLM flght sa Schipol Airport Amsterdam. Papunta kasi ako sa Brussels, Belgium at ang connecting airport ko ay sa Amsterdam. Di na talaga na-correct yun maling lyrics na nabasa ko dati na ang sabi eh… ‘taaaayke my hends…off to Nether-Netherlands’, kaya tuloy yung kanta na yun ang parating nasa utak ko.

KLM Boeing 777-300	The Simpsons Clouds
The Green Green Grass of Holland	Picturesque Canals

Excited ako makapunta sa Netherlands, sa eroplano pa lang ay kita mo na kung gaano kaganda ang lugar nila. Luntian, maayos ang mga bahay, magandang tignan mula sa itaas, at ngayon ko lang napatunayan ang sinasabi ng Social Studies teacher ko na pag ka dami-dami ng kanal dito, mukhang mas madami pa ang kanal dito keysa sa kalsada.

Parang Sim City, ang ayos ng mga buildings	Surprise! Modern na lahat ng Windmills nila, badtrip!
Mas marami pa atang kanal dito kesa kalsada	Siguro halos kalahati ng nakatira dito eh may banka

Ineexpect ko na makakakita ako ng mga traditional windmills kagaya ng mga nakikita ko sa mga libro nun gradeschool. Subalit bigo ako, sapagkat medyo modern na ang mga windmill nila.

Excited na rin ako gumala, pero syempre stop-over lang ako kaya kailangan ko i-set yun expectations ko sa pag punta sa Netherlands. Kung ano mang pag-tu-turista ang gagawin ko, dapat achievable. Kung kayat sa sandamak-mak na gusto kong gawin, ni lista ko ang 4 sa tingin ko pede kong gawin sa 2 oras na waiting time ko para sa next flight:

1. Mag pa picture kay Peter Pan at Wendy 
2. Pumunta sa bahay ni Joma Sison, makipag kwentuhan kung gaano nya ka idol si Marx, Stalin, Lenin, at Mao
3. Mag tap dance gamit ang Clogs
4. Maghanap ng murang mapagbibilhan ng ‘Birch Tree’ powdered milk (kung alam mo to..ibig sabihin matanda ka na!)

Subalit, sa laki ng Schipol Ariport, para makapunta lang sa isang terminal ay aabutan ka ng 20 mins na pag lalakad, kung kaya pinasya ko na lang na wag nang gawin ang aking itenerary at mag-i-ikot-ikot na lang sa loob ng Schipol Airport. Kung may pag kakataon sana, pag balik ko, gusto kong mag mountain climbing sa Netherlands.

Schipol Airport Terminal Shopping Area	Mediterranean Sandwich Bar
Mas Original Pa sa Crocs	It also comes in different Sizes!

Related Posts

1. Stoic Passion?
2. Santa Tracking, mas hightech pa sa parcel tracking ng UPS at Fedex!
3. Curry, Hindi Adobo
4. Divisoria Shopper’s Map: A guide on the whereabouts of the things you need to buy in Divisoria
5. Online Burol: Thinking out of the (Box) Casket

Related posts brought to you by Yet Another Related Posts Plugin.